Valerie, nanggulat sa pagbubuntis!

Ang bongga naman ni Valerie Concepcion. Kinumpirma niya ang pagbubuntis, isang araw bago ang Mother’s Day.

Ipinost niya sa social media ang litrato nila ng asawang si Francis Sunga habang hawak ang kanyang ultrasound at ipinakita ang baby bump.

Caption niya sa kanyang post, “One is great, two is fun, so why not add another one?”

Ikinasal ang mag-asawa noong taong 2019.

Samantala, may panganay na anak na si Valerie sa dating karelasyon na si Jeremy Carag na si Heather Fiona Galang na nagselebrayt ng kanyang debut nakaraang taon, habang si Francis din ay meron ding anak na babae sa dating girlfriend.

Inulan naman sila ng pagbati mula sa netizens at mga kaibigan. Marami rin ang nagulat sa kanyang naging special announcement kasama na ang mga katrabaho at kaibigan nito pero lahat sila ay masaya para sa mag-asawa.