Camille, nagpasalamat sa stepson

Ang sweet naman ni Camille Prats sa kanyang stepson kay VJ Yambao na si Ice. Binigyan niya ng mensahe ang bata sa ika-19th birthday nito.

Ipinost ni Camille ang mga litrato nila kasama ang birthday message niya na may caption na: “One of my biggest blessings is to be called your mom. God evidently shows His special love for me through you. Grateful for you kuya.
“Happy 19th son”

Marami ang na-touch at humanga kay Camille. Sana raw ay lahat ng stepmom ay kagaya niya na totoong anak na ang turing sa anak ng kanyang mister. Buong puso niya itong tinanggap na parang sariling anak.

Anak si Ice ni VJ sa kanyang previous relationship. Habang si Camille naman ay may teenage son din sa kanyang dating mister na pumanaw na si Anthony Linsangan. Meron namang anak sina Camille at VJ na sina Nala at Nolan.

Kahanga-hanga talaga ang naging setup ng pamilya nila na tila isang buong pamilya na talaga dahil ‘di nila tinuring na iba ang mga anak nila sa mga dating karelasyon. Bongga.