Young actress, kung saan-saan lang nilalabas ang kakatihan sa lock-in

Walang ingat ang isang young actress sa kanyang kalandian kaya naman lagi siyang pinagpipistahan ng mga Maritess na kasama niya sa trabaho.

Eh kung saan-saan daw pinaparaos ang young actress ang kanyang kakatihan sa katawan lalo na tuwing may lock-in taping ang series niya.

Nariyang gumagawa ng milagro sa toilet at pati na sa kahuyan, huh! Eh kahit alam ng staff and crew ang pakikipagtikiman niya, nanatiling tikom ang bibig nila pero nakabukas ito kapag wala na sila sa lock-in taping.

Naku, buti na lang marunong mag-ingat ang young actress na ito kaya hindi siya nabubuntis, huh! Sayang ang career at ang biyayang dumarating sa kanya dahil sa katawang puhunan niya, Salve A.!

Rochelle at Cai, pumayag maging tanod

Nabitin ang viewers sa episode ng Magpakailanman last Saturday na Mga Reyna ng Tahanan!

Kaya naman ngayong Sabado nang gabi, inihahandog ng MPK ang part 2 ng nasabing episode na ang title ay Ronda ng Kalsada!

Mas maiigting na eksena ang hatid ng lead female cast gaya nina Rochelle Pangilinan at Cai Cortez.

Tapang at puso ang handog ng mga babaeng ito na pinapelan ang pagiging barangay tanod sa kanilang barangay upang maitawid ang buhay ng kanilang pamilya!