Rocco at Melissa, laging may pa-costume sa anak

Ang bongga naman ng mag-asawang Rocco Nacino and Melissa Gohing.

Enjoy na enjoy sila sa pagdamit sa kanilang baby EZ sa monthly celebration nito na iba’t ibang superhero ang tema.

Sa una at pangalawang buwan nito ay dinamitan nila ito ng Baby Hulk and Baby Thor, at sa ika-third month nito ay ang cute nito nang sinuotan nila ito ng Black Panther costume na may kasama ring little headdress.

Nagbiro pa ang aktor na huwag sanang magalit si baby EZ paglaki nito sa kanila dahil sa mga costume na kanilang ipinasusuot rito.

Ayon nga kay Melissa ay hindi rin madaling kuhanan ng pictures ang baby nila dahil malikot na ito na kaya’t challenging na rin daw.

Lutang ang saya ng mag-asawa sa mga litratong ipinost nila sa social media na kasama ang kanilang anak. Tinawag nila itong ‘greatest birthday gift’ and “answered prayer” ng professional volleyball player. Bongga.