John Lloyd, hinihintay na!

Marami nang naghihintay sa muling pagbabalik ni John Lloyd Cruz, na kasalukuyang naka-season break ang comedy show nitong Happy ToGetHer sa GMA Network. This January 2023 na raw ang muling pagbabalik ng sitcom at may mga nagtatanong na kung mari-retain ang original cast or may mapapalitang characters?

Ang Happy ToGetHer ay under the direction of Edgar “Bobot” Mortiz at produced ni JLC sa GMA Network.

Alden, may birthday celeb sa new year!

Pangungunahan pa rin ni Asia’s Multimedia Star Alden Richards ang celebration ng Kapuso Countdown to 2023 Gayo Daejeon ngayong Saturday evening, Dec. 31, na tiyak na magugustuhan ng K-Pop fans dahil makiki-party, hindi lamang ang mga paborito nilang Kapuso stars, kundi ganoon din ang mga P-Pop stars at ang biggest K-pop stars of SBS Gayo Daejeon sa all-out New Year special.

Makakasama rin ni Alden sina Julie Anne San Jose, Rayver Cruz, Christian Bautista, Barbie Forteza, Kyline Alcantara, Ruru Madrid, and Korean social media star Dasuri Choi. Part of the star-studded celebration are Sparkle prime stars Derrick Monasterio at Sanya Lopez, with home-grown Kapuso singers, at ang cast of LUV IS: Caught in His Arms nina Sofia Pablo, Allen Ansay, Michael Sager, and others. Mapapanood ito sa Dec. 31, 10:30 p.m. sa GMA 7, and will be live streamed on GMA Network’s YouTube channel.

At sa gabing ito na rin mapapanood ang first-ever mega trailer of Voltes V: Legacy to be aired na sa first quarter of 2003.

This Sunday, Jan. 1, 2023, ipi-feature naman sa All-Out Sundays ang 31st birthday celebration ni Alden sa show.

Tambalan nina Barbie at David, tanggap na tanggap

Tanggap na tanggap ng netizens ang nabubuong love team nina Barbie Forteza at David Licauco sa Maria Clara at Ibarra. Open naman sa fans ang real love story nina Barbie at sa boyfriend na si Jak Roberto. Si David naman ay may girlfriend na isang volleyball player at hindi rin ito inililihim ni David.

Pero nagki-click nga ang roles ni Barbie bilang si Klay ng Gen-Z generation na pumasok sa daigdig nina Maria Clara at Crisostomo Ibarra ng Noli Me Tangere. Si David naman ay ang best friend ni Ibarra (Dennis Trillo), si Fidel, na nagkagusto kay Barbie na tinatawag niyang Binibining Klay na naging responsibilidad ni Ibarra nang iligtas niya ito at pinatira sa kanyang tahanan.

Ngayon ay niri-request na ng netizens sa GMA na dalhin naman sa labas ng portal si David, sa present time ni Klay at maging end game sila ng Maria Clara at Ibarra.

Minsan na ring nagkasama sina Barbie at David nang mag-guest si Barbie sa Heartful Café na pinagtambalan naman nila ni Julie Anne San Jose noon.