Pinky, ambassador na rin ng luxury fashion brand

Isa pala si Pinky Tobiano ng Grateful Tuesdays sa mga napili ng Fendi (luxury brand) na maging isa sa representative ng Fendi Philippines sa gaganaping Milan Fashion Week sa Italy sa February.

Talaga namang very classy at tasteful sa lahat ng bagay si Pinky. Kaya nga kahit ang kanyang cable show na nagpapakita kung paano magkaroon ng maganda at fancy table setting na pasok sa budget, laging sinusundan ng followers. Saka iba si Pinky pagdating sa pagtulong. Milyon na rin ang natulungan ng kanyang Grateful Tuesdays team.

At malaking bagay na heto, siya ang napili ng Fendi na maging isa sa kanilang women of substance and taste.

Congrats, Pinky, beautiful face, kind heart, lady of substance, kaya kahit ano pa ang pasukin mo, successful, dahil maganda ka inside out.

Bongga.

Ronnie, mabilis din ang aksyon

Isa sa una kong nakitang tumulong sa nasalanta ng bagyong Odette si Ronnie Ong ng Ako’y Pilipino Partylist.

Nagtaka nga ako nang makita ko siya sa TV dahil walang flight na availa­ble that time, pero nandun na siya. Talagang para ring si Coco Martin na isa sa supporter ni Ronnie, action agad.

Nagdala agad si Ronnie ng tubig na kailangan ng mga tao, pati na pagkain. Ganun kabilis ang ginawa niyang pagtulong.