Ms. Charo hindi ginawang isyu ang pagiging support kay Bea

Nakakakilabot ang trailer ng pelikulang Eerie starring Charo Santos and Bea Alonzo nang mapanood namin sa grand presscon the other night.

Sayang nga at hindi ito napanood noong 2018 Metro Manila Film Festival last December.

Pero ngayong March ay ipalalabas na sa mga sinehan ang horror film nina Ms. Charo and Bea na first time sumabak sa horror.

Dahil may co-producer silang Singaporean, mapapanood din ang Eerie sa iba pang bansa sa Asia.

Si Mikhail Red na director ng award winning movie na Birdshot ang director nito.

Nauna na itong napanood sa Singapore International Film Festival last November.
Ayaw magbigay ng masyadong details nina Bea and Ms. Charo sa kuwento ng movie dahil may major twist daw ito.

Wala namang problema kay Ms. Charo kung support lang ang role niya sa pelikula at si Bea ang magsisilbing pinaka-bida. Gandang-ganda siya role niya bilang isang madre na ayaw niyang gaanong idetalye.

Last movie ni Ms. Charo ang Ang Babaeng Humayo under the direction of Lav Diaz na tumanggap ng maraming international recognition / attention.