Winwyn faney na faney kay Park Hyung Sik

Nagpaka-fan girl si Winwyn Marquez na personal na nakaharap at nagkaroon ng picture kay Oppa Park Hyung Sik sa meet and greet event na inorganisa ng isang local clothing brand.

Sa Instagram fotos ng brand, abot-tenga ang ngiti ni Win sa litrato nila ni Park sa backstage ng MOA Arena. Inuna muna niya ang fans niyang sumugod sa Trinoma bago dumiretso sa SM MOA.

Base sa photos nang pagdating niya, dinumog ng fans ang dalawang venue at magiliw naman silang pinasaya ng Korean oppa at nagparinig pa ng kanta.

Back to reality na si Win bilang artista at promotions naman ang haharapin sa Regal movie niyang Time & Again na Graded B ng Cinema Evaluation Board.

Marian touched sa sorpresang baby shower ng pamilya ni Dingdong

Ramdam na ramdam ni Marian Rivera ang pagmamahal sa kanya ng Dantes-Gonzales family nang sorpresahin siya ng baby shower last Saturday sa Solaire Resorts and Casino.

Pasimuno sa event ang asawang si Dingdong Dantes at kasabwat niya ang mga kapatid niyang babae.

“I felt so loved. Maraming salamat sa inyo. Most of all, salamat sa asawa ko na pasimuno ng lahat,” bahagi ng caption ni Yan sa Instagram.

Pinasalamatan din niya ang sisters in law niyang sina Trina, Vicki at Aya.

“For your thoughtfulness and making this occasion so much more beautiful and memorable for me. Thank you for taking time ot of your busy schedules for preparing this for me.”

Sa September ang due date sa Baby Boy nina Dong at Yan.