Ice takot matulad sa boses ni Jake?!

MANILA, Philippines — Hindi na ata matatapos sa pagpapalit ng pangalan si Aiza “Ice” Seguerra na balak na ngayong sumabak sa isang gender reassignment na kung saan ay sasailalim siya sa isang surgical procedure na siguradong maapektuhan ang kanyang boses. Ito ang hanggang sa ngayon ay nagbibigay ng problema sa kanya dahil, ang boses niya ang ginagamit niyang panghanap-buhay. Matatanggap ba niya ang magiging pagbabago ng boses niya na tulad ng nangyari kay Jake Zyrus?

Claudia magiging judge sa talent search

Isang magandang oportunidad para mas makilala pa si Claudia Barretto hindi lamang bilang kapatid ni Julia Barretto kundi bilang isang mahusay ding singer na tatayong isang hurado sa Super K Star, isang talent search na itinataguyod ng Kwai at Cornerstone Entertainment, Inc. Makakasama niya sa panel sina JayR, Kyla at Markki Stroem.

Kasalukuyan nang nagsasagawa ng audition para sa mga interesado at may talento sa singing, acting, dancing at iba pang special talents. Mapapanood ito online. Ang mapipili ay magpi-perform sa China. Matagal din ang ipinahintay ng nakakabatang Barretto na mabigyan ng ganito kagandang exposure na nagagawa lamang niya kapag nagpu-promote siya ng kanyang self-titled debut EP.

KZ masusubukan sa Supreme

Sigurado namang dudumugin ang Supreme concert ni KZ Tandingan sa June 22 sa MOA.

Walang sawa factor ang Pinoy audience sa mga magagandang laban na ginawa ng ating local talents sa mga sinabakan nilang mga paligsahan sa abroad, ke singing, dancing o beauty contest man ito.