Dennis hindi naki-picture sa debut ng anak

Present pala si Dennis Padilla sa debut ng anak niyang si Claudia Barretto noong weekend. Pero hindi siya kasama sa mga pictorial ng anak nila ni Marjorie Barretto.

Wala siyang nakitang kasama sa mga nagluta­ngang picture ng debut sa social media.

Maja Salvador

Maja nanggulantang sa itim na wedding gown

Wildest wedding na matatawag ang inaabangang pasabog ng Wildflower bukas, Miyerkules dahil black gown pa lang ni Maja Salvador, na siyang gumaganap bilang si Ivy Aguas, ay agad nang gumulantang sa mga manonood.

Sa trailer na ipinakita noong nakaraang linggo, bumungad si Ivy bilang ‘bride in black’ suot ang traje de bodang likha ni Val Taguba.

“Wildest wedding talaga ito. Sa gown pa lang ang wild na ng reaksyon n’yo. Paano pa kaya kapag napanood n’yo ang buong episode?,” pabiting sagot ni Maja.

 Dahil sa naiibang television moment na ito kung kaya’t mabilis na bumuhos ang maiinit na mga komento sa online world at ikinawindang ng mga manonood.

Hindi na nga mapipigilan ang pag-iisang dibdib nina Ivy at ni Arnaldo Ardiente Torillo (RK Bagatsing). 

Gayahin kaya siya ng ibang bride diyan, magsuot kaya sila ng black wedding gown?