Renz Fernandez, excited nang makatrabaho ang mga iniidolo!

MANILA, Philippines - Kabilang din si Renz Fernandez sa cast ng upcoming primetime series ng GMA 7 na Little Mommy. Bukod kay Kris Bernal ay makakasama rin niya ang mga batikang aktor tulad nina Eddie Garcia, Bembol Roco, Ricky Davao at ang nag-iisang Superstar na si Nora Aunor. Hindi naman maitago ni Renz ang kasiyahan niya ngayong makakatrabaho na niya ang kanyang mga iniidolo. Sigurado raw na sobrang proud ang kanyang amang si Daboy sa tinatahak niyang landas sa pag-arte.