Co-prod ng isang movie gustong kumawala nang mapalitan ang bidang aktor

Gusto na raw mag-back-out ng isang movie producer na co-producer siya, sa isang project na nasimulan na. Nagbago ang isip niya nang palitan ang lead star ng movie na siya pala niyang susugalan bilang producer.  Maganda sana ang project, kaya lamang nagkaroon nga ng aberya nang magkaproblema sa lead actor kaya kailangan siyang palitan.  Naka-ilang shooting days na ang pumalit sa actor at saka nagbago ang isip ng co-producer. Ewan lamang kung mapapakiusapan itong ituloy na nila ang project dahil mahusay naman ang mga artistang magsisiganap sa movie at award-winning naman ang director na humahawak dito.

Mikael hindi pa rin maamin si Megan

Nakiusap si Mikael Daez sa mga bumisitang showbiz press sa taping nila ng Ang Lihim Ni Annasandra sa QC Park & Wild Life na panoorin daw siyang sumayaw ngayon sa Sunday All Stars na first time niyang gagawin for her leading lady, Andrea Torres, who is celebrating her fifth year anniversary in showbiz sa show. Biro niya, lakasan na raw lamang ng loob.  Manonood ba ang ‘best friend’ niya, si 2013 Miss World Megan Young na ayon kay Mikael ay hindi pa bumabalik ng London after the Miss World Philippines last month? So, happy siya dahil nandito pa si Megan, aamin na ba siya sa tunay nilang relasyon? Halakhak ni Mikael, “I will not deny, but I will not admit.”

Jessica at Marian nagbenta ng longganisa

Pabalik kami sa GMA Network in EDSA, nadaanan namin ang napakalaking billboard ni Ms. Jessica Soho na magsi-celebrate ng 10th anniversary ng kanyang magazine show sa GMA 7, ang Kapuso Mo Jessica Soho at 7:30 p.m., after Ismol Family. Isa sa ipi-feature ni Jessica ang pagbebenta nila ni Primetime Queen Marian Rivera ng special tapa and longganisa na gawa ng kanilang pamilya sa Quezon City Memorial Circle last Sunday, on board a custo­mized truck. Naglakad sina Jessica at Ma­rian habang nag-aalok ng kanilang paninda sa mga tao.  Lahat ng napagbilhan nila ay ido-donate ni Jessica sa mga nasalanta ng bag­yong Yolanda. Nasa Tacloban siya nga­yon para personal itong iabot sa mga tao.  Star-studded ang show dahil kasama ni Jessica sa Samar si Tom Rodriguez na umuwi sa kanilang hometown. Si Iya Villania naman ay ipu-promote ang Cebu tourism at makikipagsayaw sa mga Cebu inmates.