Paulo nainip na kay KC?!

Nag-react ang ibang netizens na baka raw nainip na si Paulo Avelino kaya ‘namangka’na ito sa dalawang ilog.

Matagal na rin kasi siyang nanunuyo kay KC Concepcion pero ang laging sagot ng aktres ay hindi pa niya boyfriend si Paulo kaya ayun balitang nanliligaw na ito sa Venezuelan model-beauty queen na si Miss Earth 2013 Alyz Henrich.

Last week lang, panay ang tuksuhan nina KC at Kris Aquino sa Kris TV ng ABS-CBN kung saan guest co-host ang singer/actress. “Yummy” pa nga ang tawag ng anak ni Megastar kay Paulo.

Isa si Kris sa naiinip na sa ligawan portion nina KC at Paulo.

Hula ng fans na nakikisimpatya kay KC, baka  hindi na nga nakapaghintay si Paulo. Pero pagtatanggol naman ng fans ni Paulo, wala naman daw masama dahil wala pang confirmation sa sinasabing pakikipagkaibigan nito sa beauty queen.

Nakikiusap naman ang ibang fans na huwag na munang dagdagan ang pagdadalamhati ni KC ngayon dahil kakapanaw lang ng Lola Elaine nito.

Mas lalo pang iinit ang issue dahil muling magsasama ang dalawa sa Exchange Gift episode ng Christmas Special ng ABS-CBN na Give Love on Christmas kasama ang child actor na si Miguel Vergara sa direksyon ni Manny Palo.

Desiree gustong magpakabuti

Iba talaga kapag produkto ng Tabing Ilog ng ABS-CBN - John Lloyd Cruz, Baron Geisler, at Kaye Abad ang pag-uusapan.

At ngayon, sumulpot uli si Desiree del Valle na kasama sa cast ng Flor de Liza.   

Curious nga si Tito Boy Abunda kung bakit magagaling ang produkto ng Tabing Ilog. Sa show nila kamakalawa na Aquino and Abunda Tonight tinanong niya si Desiree nang-mag-guest ito kung lumaklak ba sila o uminom ng tubig mula sa ilog na pinag-syutingan nila.

Wala naman daw ganoong eksena, ang totoo ay para lang daw silang naglalaro nu’ng Tabing Ilog days nila. Ang nakitaan ng maagang pagseseryoso sa acting ay si John Lloyd Cruz. Ayon pa kay Desiree, talagang nagpakitang gilas na ito noon pa man.

Samantala, malaking challenge naman para sa aktres ang kanyang role ngayon sa Flor de Liza dahil sa tinagal-tagal niya sa showbiz, first time niyang gaganap bilang mabait. Pawang kontrabida ang ginagampanan niyang role noon.

Kailangan daw niyang patunayan at kumbinsihin ang mga manonood na talagang mabait siya tulad sa totoong buhay. Makakasama niya sina Marvin Agustin at Jolina Magdangal sa bagong aabangang palabas ng Kapamilya Network.