Nobyembreng hitik sa pag-ibig sa StarStudio

MANILA, Philippines – Puno ng pag-ibig ang isyung ito lalo na’t ibinahagi ng engaged couple na sina Heart Evangelista at Sen. Francis “Chiz” Escudero sa StarStudio ang kanilang makulay na love story at pinakahihintay na wedding sa February 2015 sa Balesin.

Idinetalye nila ang disenyo at inspirasyon ng gown ni Heart, kung sino ang caterer, ang kanilang wedding cake, flowers at music, pati na rin ang reception na ipinaplano nila sa Manila para sa kanilang iba pang mga kamag-anak at kaibigan, mga kasama sa industriya ng entertainment at pulitika at ang mga saloobin tungkol sa pagpapakasal.

Kasama rin sa isyung ito ang back-to-back na feature tungkol sa dalawang showbiz debutantes na sina Jane Oineza at Ella Cruz, isa pang pasilip sa mga red carpet attires sa 8th Star Magic Ball at iba pang mga hitik na masasayang kwento na bagay sa paparating na holiday season.