Dating nakasama sa sitcom noong dekada ‘80s Bessie Badilla inalala ang pagiging mabait at kapilyahan ni Tia Pusit

Isa sa sobrang nalungkot sa pagpanaw ng ko­medyanteng si Tia Pusit (Myrna Villanueva in real life) noong nakaraang October 2 ay ang former Pinay supermodel na co-star ni Tia Pusit sa ‘80s hit sitcom na Eh Kasi Babae na si Bessie Badilla.

Nakapanayam namin via Facebook si Tita Bessie na naka-base ngayon sa US kasama ang kanyang pamilya.

Sa aming panayam sa kanya, nagulat nga siya nang mabalitaan niya ang biglang pagpanaw ng kanyang tinuturing na matalik na kaibigan.

Ayon pa kay Tita Bessie, sa Facebook nga raw ulit sila nagkaroon ng connection ni Tia Pusit (na kung tawagin niya ay Tita Squid) after more than 27 years.

“Napakalungkot ko kasi nawalan ako ng isang mabuting kaibigan,” sey pa ni Tita Bessie. “After so many years na hindi kami nagkita at nag-usap ni Tita Squid, we just recently found each other again on Facebook.

“Marami kaming private messages parati. We were constantly exchanging messages as if parang kahapon lang kami nagkita sa taping ng Eh Kasi Babae.

“All I can say is, napakabait niyang tao and I miss her terribly. At least, through Facebook, nagkaroon ulit kami ng connection.

“Tita Squid always shared my posts and she would write the sweetest things about me. I love her and I will keep on praying for her.”

Sila Tita Bessie at Tia Pusit ang parating nagbibigay-buhay sa 1987 hit sitcom ng IBC-13 na Eh Kasi Babae. Mga co-stars pa nila ay sina Gloria Diaz, Janice Jurado, Debbie Miller, Buboy Garovillo, Charlon Davao, and the late Johnny Wilson.

“Tita Squid was one of the reasons why I enjoyed taping Eh Kasi Babae.

“Actually, kami nila Tita Squid at Janice Jurado and mahilig mag-adlib. Our director that time na si Mr. M (Johnny Manahan), would not edit any of our improvised chatter.

“She would come up with outfits and props that would be perfect for her scenes.

In character siya parati. Magku-commute ‘yan sa studio in Broadcast City dala-dala ang mga props niya.

“One time, she brought a hollow block and everyone in the jeepney wondered what it was for. Her fans asked and she explained, ‘Meron akong bathroom scene, kailangan ko ng panghilod!’ Hindi ba kakaiba siya? Nag-iisa lang si Tita Squid!”

Sa likod naman daw ng kamera, isang mapag-alagang kaibigan si Tia Pusit.

Natandaan nga ni Tita Bessie na noong buntis siya ay dinalhan pa siya ng hilaw na mangga at bagoong ni Tia Pusit sa studio.

“She was friendly and sweet to everyone on the set. The camera crew and food servers were all her buddies. She always carried candy in her duster pockets and handed them to everyone she met on the set. She took care of everyone.

“Eh Kasi, Babae, became the number one show on prime time TV and we were extended to an hour and a half. We spent more time together during tapings and became really close.”

Saksi rin nga si Tita Bessie sa naging alitan ni Tia Pusit sa kapatid nito, ang aktres na si Nova Villa. Ilang beses na raw kasing pinangangaralan ni Tita Nova si Tia Pusit, pero likas raw ang pagiging pasaway ni Tia Pusit.

 “Tita Nova would always tell her to grow up and be a mature woman.

 “Pero Tita Squid refused to follow her Ate’s footsteps and remained the happy-go-lucky person that she was.

“One time, Tita Nova was our guest star. Ang role niya, ex-girlfriend siya ni Tito Johnny Wilson. Off-cam, pinagsasabihan si Tita Squid ni Tita Nova. I could sense Tita Squid had so much respect for her Ate. She was quiet when they were having a talk in the corner of the dressing room.

“Pero ganun pa man, she did not follow whatever her Ate was asking her to do.

“Bungisngis lang si Tita Squid after Tita Nova left the set after taping her scenes. Pilya siya, ‘di ba?”

Ang panghihinayang lang ni Tita Bessie ay wala siyang maipakitang picture nila ni Tia Pusit noong ginagawa nila noon ang Eh Kasi Babae.

“Wala akong pictures with Tita Squid. Nakakaasar nga. I know we had a few but I sent everything to Manila. Kaya wala akong mai-post sa Facebook na photos namin together.

“But I love her so much and in a way, masaya na ako for her because wala na siyang mararanasan na pain, only peace and eternal happiness in heaven,” pagtatapos pa ni Bessie Badilla.

Proud sa lola na ‘kontrabida’ Cris sinunsundan ang yapak ni Armida

Full-time acting na si Cris Villonco dahil sa pagtanggap niya ng teleserye sa GMA-7 na Ang Lihim ni Annasandra.

Kontrabida siya ni Andrea Torres sa naturang teleserye at wala raw problema rito si Cris dahil kahit na anong role ay gagawin niya basta maipakita lang niya ang mga natutunan niya sa pag-arte.

Namana nga ni Cris ang pagiging mahusay na kontrabida mula sa kanyang lola Armida Siguion-Reyna na naging kontrabida na ng maraming malalaking artista tulad nila Nora Aunor, Vilma Santos, Sharon Cuneta, Maricel Soriano, at marami pang iba.

“Magaling na kontrabida si lola. She has won awards for doing kontrabida roles. Siyempre proud ako to follow her footsteps as far as acting is concerned.

“In Lihim ni Annasandra, I love my role na kontrabida. Sosyal na kontrabida. It’s a good character.

“It showcases another side of me kasi akala talaga ng mga tao bait-baitan ako ‘di ba? Pero sa totoo lang, I like doing ‘yung mga kakaibang roles. Like what I did sa indie film na Hari ng Tondo, marami ang nagulat kaya siguro nanalo ako ng award for the role I did.

“It’s weird, the transition to an actor was gradual, tapos nangyari na lang and masasabi ko na ini-enjoy ko talaga ang acting kasi more than singing. Nai-enjoy ko siya kasi marami pa akong nai-explore.

“Sana po makita talaga ng tao na hardworking po ako, at marunong po ako makisama sa mga tao at madali ako katrabaho.”

Nagsimula nga bilang singer si Cris at age 9. At age 15 ay may ginawa siyang music video with Dingdong Dantes and Marco Lobregat titled Hindi Ko Masabi at nanalo ito bilang favorite female music video sa 1999 MTV Philippines.

Naka-graduate si Cris sa kursong Music and Economics Development sa Sarah Lawrence College in New York noong 2006.

 At age 30, marami pang gustong gawin si Cris at isa nga roon ay ang mapalawak pa ang acting range niya na una niyang na-cultivate sa paglabas sa ilang mga theatre productions.