Manyak na stalker ng isang menor, tutugisin sa Bistado

MANILA, Philippines - Tutugisin ng  Bistado ngayong Lunes (Sept. 22) ang isang stalker na nagbantang papatayin ang pamilya ng pinagnanasaan niyang 16 anyos na dalagita kung hindi ito papayag na makipagsiping sa kanya.

Hindi na tinantanan ng 35 anyos na si Rudy ang dalagita simula nang makilala niya ito. Kahit saan magpunta ang menor ay nakasunod ito.

Para masiguro ang seguridad ng biktima ay isang entrapment operation ang ikakasa ng Bistado,  kasama ang mga awtoridad, para mahuli si Rudy.

Dito na ba matatapos ang kalbaryo ng dalagita? Makakamit na ba niya ang katahimikan para sa kanya at kanyang pamilya?

Huwag palampasin ang Bistado kasama si Julius Babao, ang katuwang ng pamilya sa seguridad at proteksyon, ngayong Lunes (Sept. 22), 4:30 pm sa ABS-CBN Kapamilya Gold.