Kris biglang naging manghuhula

MANILA, Philippines - Kampante si Kris Aquino na sisipa muli ang pelikula niya sa Metro Manila Film Festival.  “Ang hunch ko, magiging number two ang Feng Shui 2 kasi number one ang pelikula ni Bimby at Vice Ganda, ‘yung Praybeyt Benjamin okey na ako doon.” Aba, si Kristeta na ba ang bagong Jojo Acuin (RIP)?

For the nth time, sabi niya, nanghihinayang man siya sana sa relasyon nilang dalawa ni Herbert Bautista pero okey na sa kanya ang maging the best of friend na lang sila.

Wala rin siyang sinasabi kung tatakbo siyang Presidente sa 2016 although may pumupuna na sa kanya ngayon pa lang gaya ni Ogie Alcasid na sabi sa kanya, “Wala siyang K para tumakbo!”

Hindi kaya niya ito kayang hulaan?

Glydel muntik maisahan

Gustong suntukin ni Tonton Gutierrez ang lala-king taga-Maynilad daw na kinakwartahan ang misis niyang si Glydel Mercado. Nagpanggap na taga-Maynilad ang lalaki na gustong kwartahan si Glydel na aabot sana ng P97,000. Noong inaabot muna ni Glydel ang halagang P22,000 sa lalaki, may mga taga-NBI na nakaabang na at entrapment pala iyon.  Kunektado sa shop ni Glydel ang metro ng tubig na naging isyu. Nagulat siya sa overcharging na sinabi sa kanya kaya nagduda sa ahente ng tubig kuno.