Julian hindi man lang nakaeksena si Cesar kahit naging tatay

Ipinagmamalaki nga ng Kapuso young actor na si Julian Trono ang kanyang kinabibilangan na indie film na Ronda kung saan gumaganap siyang anak ng Comedy Queen na si Ai-Ai delas Alas.

Isa nga sa official entries ng 10th Cinemalaya Independent Film Festival ang Ronda na kabilang din sa cast si Cesar Montano.

Kuwento nga ni Julian na sobra siyang na-starstruck noong una niyang ma-meet si Ai-Ai sa set ng Ronda.

Isang policewoman si Ai-Ai sa Ronda na matagal nang hinahanap ang kanyang anak na nagrebelde at naglayas. Sa buong pelikula nga raw ay isang beses lang daw silang magkikita ni Ai-Ai at ito ay sa bandang ending na ng pelikula.

Panghihinayang nga lang ni Julian ay wala siyang eksena na kasama si Cesar na siyang gumanap na ama niya.

 “Sayang nga po kasi wala akong scene na kasama si Mr. Cesar Montano. Pero at least po, nakasama ako sa pelikula na nandoon siya,” pagtatapos pa ni Julian Trono na kasama sa primetime series na Niño.

Hindi kinaya ang LDR, Jennifer Lawrence at Nicholas Hoult naghiwalay na

Nakipaghiwalay na nga ang Oscar-winning actress na si Jennifer Lawrence sa kanyang actor-boyfriend na si Nicholas Hoult.

Nagkakilala nga ang dalawa noong nagsama sila sa pelikulang X-Men: First Class noong 2011. Una silang nag-break noong 2013, pero nagkabalikan noong gawin nila ang X-Men: Days of Future Past.

Ngayon ay tuluyan na silang naghiwalay at may kinalaman daw ito sa kanilang long distance relationship (LDR).

Ayon sa US Weekly, ang kanilang trabaho sa magkabilang sulok ng mundo ang naging dahilan kung bakit hindi na nagwu-work ang kanilang relasyon.

 “They just weren’t together a lot, her life is a whirlwind. They have gotten back together before, it just got to be too hard for now.”

Habang sinu-shoot nga ni Jennifer ang The Hunger Games: Mockingjay sa Germany and Atlanta, Georgia with Liam Hemsworth and Josh Hutchinson, si Nicholas naman ay ginagawa ang pelikulang Equals with Kristen Stewart sa Tokyo, Japan.

Huli ngang nakita ang dalawa sa London noong nakaraang April.