Bibitbitin sa kasal ni Karylle Bagong inspirasyon ni Zsa Zsa ex-husband ng sikat na interior designer

Tunog Chinese ang family name ng mhin na na­tsitsismis na current inspiration ni Zsa Zsa Padilla.

Nakita ko na ang picture ng mystery guy at totoo nga ang mga balita na good-looking siya pero hindi naman kasing guwapo ni Piolo Pascual. Hindi ko puwedeng ilabas ang picture niya dahil hindi naman siya public figure.

Kung tama ang dinig ko, previously married ang mhin sa isang sikat na interior designer at may dalawang anak sila.

Tawagin natin ang mhin sa pangalan na Mr. C. pero hindi C for Cayabyab dahil si Ryan ang nag-iisang Mr. C. sa showbiz.

Kung totoo na dadalo si Mr. C. sa kasal bukas nina Karylle at Yael Yuzon, mawawala na ang kanyang privacy dahil tiyak na tututukan siya ng mga television camera. ’Yon ang disadvantage kapag taga-showbiz ang karelasyon ng isang tao na masyadong pinahahalagahan ang privacy. Sa ayaw at sa gusto niya, kakalkalin ng media ang kanyang personal life.

Mga Marcos nagka-abogado na

Congratulations kay Ilocos Norte Gov. Imee Marcos dahil nakapasa sa bar exam ang kanyang anak na si Michael Manotoc.

Proud mother si Mama Imee ng kanyang anak na younger kay Borgy. Masayang-masaya ang Mar­coses dahil sa tagumpay ng bagong abogado sa kanilang pamilya.

Proud uncle rin si Sen. Bongbong Marcos na nag-dialogue ng “The whole family’s thrilled at our newly minted lawyer Michael Manotoc. We can almost feel the old man smiling at his ascension to the Bar. Congratulations to all the Bar passers, well done!”

Vice Ganda magpapakita sa kasal ni Karylle

Ninang si Lorna Tolentino sa Karylle-Yael nuptials. Excited na si LT na mag-ninang sa kasal ng kanyang pamangkin at dahil dadalo siya, makikibalita na lang ako sa mga kaganapan sa wedding of the month.

Siguradong star-studded ang kasal nina Yael at Karylle dahil sa mga invited guest nila. Aapir daw si Vice Ganda dahil invited siya at naayos na ang tampuhan nila ni Karylle.

Martin hindi pa kumpirmadong Kapuso

Si Martin del Rosario ang young actor mula sa ABS-CBN na natsitsismis na mag-oober da bakod sa GMA 7.

Malalaman natin kung may katotohanan ang tsismis kapag pumirma na si Martin ng kontrata sa Kapuso Network.

Kilala ko si Martin dahil kasali siya sa isang teleserye na nasubaybayan ko noon. Naalaala ko ang participation ni Martin pero hindi ko na matandaan ang pamagat ng teleserye.

Tom tinitilian ng mga estudyante

Semi-regular na pala si Tom Rodriguez sa Pepito Manaloto. Kasama si Tom sa campus tour ng Pepito Manaloto cast at isa siya sa mga tinilian ng mga estud­yante.

Nagtatanong na ang fans ni Tom kung kailan masusundan ang My Husband’s Lover? Nami-miss na si Tom ng fans dahil matagal-tagal na rin mula nang magkaroon siya ng primetime teleserye.

Yasmien nasusulit ang puyat

Happy si Yasmien Kurdi dahil marami ang pumupuri sa acting niya sa Rhodora X.

Kahit inaabot ng magdamag ang taping, walang reklamo si Yasmien dahil alam niya na maraming tao ang napasasaya nila ni Jennylyn Mercado.

Sulit na sulit ang pagod at puyat ni Yasmien dahil sa mga positive feedback na natatanggap niya mula sa viewers ng Rhodora X.