Senior actress natutunaw ang taba sa likod ’pag suot ang wonder bra

Nakakuwentuhan ko ang isang supplier ng mga bra na nagbibigay hugis at kaseksihan ng isang babae. Kapag isinuot ang wonder bra na ito ay talagang gaganda ang hugis ng boobs ng isang babae gaya ng isang senior actress na sobrang laki ng boobs.

Nabentahan pala ito ng bra na nagkakahalaga ng higit na P50,000 at natuwa ang senior actress dahil lahat ng taba sa likod ay nawawala kapag nakasuot ng kakaibang bra at ’di na halata ang sobrang laki nang hinaharap.

Mayaman ang senior actress dahil can afford bumili ng ganoon kamahal na bra.

Baguhang aktor na si Kiko

na-starstruck sa ganda ni Solenn

Hindi sukat akalain ni Kiko Matos na nakilala sa Babagwa na magiging bida na siya matapos makapasa sa audition ng Mumbai Love. Ito ang nagbigay ng break kay Kiko para maging bida at marami siyang natutunan sa pag-arte kay Direk Benito Bautista.

Nag-audition din ang young actor sa Sonder na nanalong honorable mention sa short film category sa 25th Gawad CCP para sa Alternatibo at Video.

Ang audition naman sa Mumbai Love ay inihayag online at naging interesado naman si Kiko sa romantic comedy film para gampanan ang karakter ni Nandi. Gusto ng manager niyang si Mel Navarro ay mag-try muna kahit sa supporting roles pero nanaig pa rin ang kagustuhang maging bida at nakaya namang gampanan ang role ni Nandi na isang Indian tourist guide.

“Pinoy ako pero maraming nagsasabi na mukha akong Bumbay at ito ang nagbunsod sa akin para mag-audition sa Mumbai Love,” sabi ng baguhang aktor.

Makaraan ang dalawang buwan dumating ang good news na pasado ang aktor sa lead role ng Mumbai Love at makakapareha pa si Solenn Heussaff.

“Nang una kong makita si Solenn sa audition ay na-starstruck ako sa ganda at kaseksihan niya. She’s a beautiful woman inside and out. I love her as person,” sabi ni Kiko.

Si Kiko ay isa sa winners noon ng TV Idol, male teen talent search ng Magandang Tanghali Bayan, nagmodelo rin siya at lumabas sa commercials.