Charice nakakaasiwa sa pouting lips at pa-macho effect sa pictorial

Mhin na mhin si Charice sa cover ng isang fan magazine. Naka-display sa isang bookstore ang tarpaulin ng fan magazine at ang sabi ng mga nakakita, naasiwa sila sa picture ng Pinay international singer.

Bothered na bothered daw sila sa pouting lips at pa-macho effect ni Charice. Nami-miss na raw nila ang old Charice na hindi conscious sa kanyang projection sa mga pictorial at TV guestings.

Aktres natauhan sa resulta ng kanegahan sa social media

Natauhan ang aktres nang mabasa nito ang mga emote sa social media ng isang kaibigan niya. Naloka ang aktres dahil puro pagtataray at mga pangit na salita ang kanyang nabasa. Nakaramdam siya ng pagkadiri at nakita niya ang sarili sa mga emote ng kanyang kaibigan.

Nangako ang aktres na hinding-hindi na magtataray sa social media. Iiwasan na rin niya ang tumalak sa kanyang Twitter at Facebook accounts dahil ang pangit daw pala ng pakiramdam kapag mga galit at himutok ang nababasa ng followers.

Mabuti naman, nauntog na ang aktres dahil ito rin ang sumisira sa kanyang sarili sa tuwing may inaaway siya sa social media. Marami ang naloloka sa kanyang malutong na pagmumura sa mga kamag-anak niya.                           

Barbie kumikislap ang mga mata kung tumingin kay Derrick

Malapit na akong maniwala na nagkakamabutihan sina Barbie Forteza at Derrick Monasterio. Iba ang tingin ni Barbie kay Derrick nang mapanood ko sila kahapon sa Sunday All Stars.

Kumikislap ang mga mata ni Barbie habang nakasakay si Derrick sa Rodeo machine. Mukhang na-develop na ang feelings niya para sa young actor na co-star niya sa Anna Karenina. Si Derrick na kaya ang maging first boyfriend ni Barbie?

Daniel malalaki na ang eyebags

Kulang ba o nasobrahan sa tulog si Daniel Padilla? Ang laki-laki ng eyebags ni Daniel sa guesting nila kahapon ni Kathryn Bernardo sa The Buzz.

Normal sa mga artista ang napupuyat dahil maghapon at magdamagan ang tapings nila. Dapat bantayan ni Karla Estrada ang eyebags ng kanyang anak dahil ang face ang puhunan ni Daniel sa showbiz.

One Million march ipinagdarasal na ’wag bagyuhin

May bagong bagyo sa ating bansa, si Typhoon Nando. Ngayon ang anti-pork barrel rally sa Luneta kaya nagdarasal ang mga sasali sa rally na huwag umulan or else hindi magtatagumpay ang kanilang One Million march.

May mga artista na nagsabi na makikiisa sila sa anti-pork barrel rally. Kung sinu-sino sila, malalaman natin ngayong gabi sa mga news program.

Aktor nabigo sa tangkang pang-aakit sa kapwa aktor, faithful pala sa BF na nakadestino sa ibang bansa

Nagtatrabaho sa isang airline company ang boyfriend ng aktor na hindi pa inaamin ang tunay na sexual preference.

Bihirang magkita ang dalawa dahil nakadestino sa ibang bansa ang mhin pero wala itong dapat ipag-alala dahil faithful sa kanya ang aktor.

Isang aktor na tago ang pagkabading ang nag-attempt na akitin ang aktor na may dyowa na konektado sa airline company pero nabigo siya. Dinedma ng faithful actor ang mga text message ng malanding aktor na hindi tapat sa boyfriend na model.