Miggs madaling mag-adjust

MANILA, Philippines - Madaling naka-adjust si Miggs Cuaderno sa mga bagong kasama sa Tropang Potchi ng GMA 7. Naroon din kasi si Sabrina Man na matagal na rin niyang kakilala. Bagong member si Miggs sa programa at pumalit kay Julian Trono.

May mga pelikula nang nagawa si Miggs at may napasama pa sa Cinemalaya Independent Film Festival. Kasama rin siya sa With a Smile, ang teleseryeng kasama sina Christian Bautista at Andrea Torres.

Daniel Fernando hindi pa nasisilayan sa magtatapos na serye

 Bakit naman mukhang hanggang sa magtatapos na lang ang Muling Buksan ang Puso ay hindi man lang nasisilayan pa ang karakter na ginagampanan ni Bulacan Vice Gov. Daniel Fernando? Extended na nga ang naturang teleserye sa kahilingan ng televiewers.

Pero mukhang inaapura ring tuldukan na ang programa kahit na-extend. Worth it naman kaya ipapalit sa Muling Buksan ang Puso?