Karla nahihiya kay Daniel, sangkot sa kanyang love life

Tawa lang nang tawa si Karla Estrada nang tanungin tungkol sa diumanong pakikipagrelasyon niya sa basketball player. Nabalita kasi na hindi pabor ang anak niyang si Daniel Padilla sa pakikipagrelasyon ng ina.

Pero nag-deny si Karla at sinabing walang katotohanan ang kumalat na balita.

“Saan naman nanggaling ‘yan? Wala akong love life. Walang kaechosan ito. Wala talaga. Sa totoo lang, hindi ko pa nga nakikilala ang sinasabi nilang Mark Caguiao. I haven’y met him kasi never naman akong nanonood ng basketball game.

“Bagets ako para tumambay sa basketball game?” sabay tawa niya.

Nahihiya nga si Karla sa kanyang anak dahil nadamay pa sa tsismis.

“Nagulat nga ako na nadamay pa si DJ. Pati ang anak ko ay takang-taka kung bakit ako nali-link sa isang basketball player. Ina-assure ko naman sa anak ko na walang katotohanan iyon. Ngayon pa ba ako maggaganyan eh ang lalaki na ng mga anak ko?

“Basta ako masaya ako with my kids. Lalo na sa panganay ko dahil sa ginawa naming TV commercial for Lily’s Peanut Butter,” sabi ng dating actress-singer.