Sexy star na nagkaanak na, losyang na ang hitsura!

Malaki ang ipinagbago ng sexy star na galing sa isang all-girl group nang makita sa isang mall nung isang araw. Naka-fit na puting T-shirt, maiksing black shorts, at rubber shoes lang siya na parang galing sa gym. Nabawasan ng sex appeal ang sexy star dahil nananambok ang mga taba niya kahit nakatalikod.
Hindi siya gaanong pinapansin ng mga nakakasalubong dahil hindi makilala. Wala siyang makeup at nakapusod lang ang buhok. Kapansin-pansin ang malapad niyang balakang at matabang hita nang tumalikod na. Bentahe lang ni sexy star-model-actress na malaki ang bumpers niya kaya voluptuous pa ring tingnan kapag nakaharap. 
Nagka-anak na ang sexy star dati sa kanyang naunsyaming relasyon sa isang foreigner dahil naging babaero raw ito nang tumaba siya hanggang sa tuluyan na silang maghiwalay. Kahit nakabalik na uli sa showbiz ay hindi pa ring bumabalik ang sigla ng kanyang career kahit sa modeling at mukhang nagpapapayat pa rin siya hanggang ngayon.

Maxene may bagong boyfriend

Walang bakas ng senti mood sa magandang mukha ni Maxene Magalona nang makitang dumalo sa isang premiere night sa Makati City.
Say ng isang nakapansin, mukhang naka-move on na nga siya at masaya uli. May ka-date kasi si Max nang pumasok sa cinema. Mabilis silang dumaan kaya hindi nakilatis ang kasamang guy.
Dahil sa tangkad at hindi masyadong palangiti sa mga taong nakakasalubong ay nakaka-intimidate ang dating ng Kapuso actress. Hindi naman siya suplada pero parang mahirap lang lapitan.

Maynila, ‘ekstra’ sa Pacific Rim

Nagkaroon ng panibagong excitement ang moviegoers dahil sa pagbanggit ng pangalang Manila sa pelikulang Pacific Rim na sa July pa ipapalabas dito.
Sa mga naipapakita nang trailer ng malaking sci-fi film ng Warner Bros. Pictures ay halos hindi naman madinig at isang beses lang sinabi ang syudad. Ayon sa narrator, pagkatapos lusubin ng mga alien halimaw na galing sa Pacific Ocean ang lugar na San Francisco (California) sa Amerika ay ang Manila raw ang isusunod. Hindi naman binanggit ang Pilipinas kundi Manila lang kaya baka hindi pa alam kung nasaan ang Manila at hindi na nila malalaman talaga kung hindi ire-research o kung hindi talaga nasabi sa kabuuan ng pelikula hanggang magtapos.
Maganda sana kung ang pagkakasa­bi ng narrator ay “The second attack is in Manila, Philippines.”
O, ‘di ba mas malinaw at bongga?

Habang pinanood din ang trailer ay kitang-kita agad na nasira ang Golden Gate ng San Francisco pero wala namang eksena na nagbigay ng clue na may ipapakitang landmark ng Manila. Hindi tuloy malaman kung natuloy ang sinasabing atake o kung natuloy man ay paano nila ipapakita ang mga nasirang parte ng lungsod kung sakali? Dadaanin na lang kaya sa video special effects? Wala naman kasi tayong nabalitaan na nakasi­ngit sila ng shooting sa Manila kahit saglit lang.
Ganun man, walang dudang aabangan pa rin ang Pacific Rim ng Pinoy moviegoers para malaman kung ano ang ipapakitang nangyari sa Maynila.

E-mail: [email protected]