Seksing aktres bastos mag-perform, kamay ipinapasok sa pantalon ng konsehal na pinaglaruan

Dumayo pa ang seksing aktres sa isang malayong lalawigan para maging guest sa isang kampanya. Napaka-sexy naman nito at magaling kumanta.

Ipinakilala na isa-isa ang mga kandidato ng kanilang lugar at isa na rito ang guwapong konsehal na tumatakbo uli sa nasabing posisyon. Nang kumanta na ang seksing aktres ay hinila niya ang konsehal at pinaglaruan. Habang kumakanta ay niyayakap-yakap ang guwapong konsehal at inilalagay niya ang kamay sa kanyang beywang. Kinikilig naman ang konsehal at nakikipaglandian din sa singer-actress.

Pero ang matindi ay bahagyang ipinapasok na ng aktres ang kamay sa pantalon ng konsehal pero pinigil niya dahil naroon pala ang kanyang asawa na panay ang irap sa aktres.

Hindi naging maganda ang inasal ng aktres sa mga pulitiko na nakaupo sa entablado at sinabing huwag na siyang imbitahan muli sa susunod na kampanya.

Angel nagsimula ang love life sa twitter

Nagpapasalamat si Angel Locsin sa tatlong mil­yong followers sa Twitter. Kaya naman memorable ang kanyang birthday noong Apirl 23 dahil sa pagkapanalo niya sa FAMAS bilang best actress para sa One More Try.

Sa pamamagitan ng Twitter ay nakilala rin niya si Phil Younghusband two years ago. Mula sa isang simpleng pag-uusap ay nauwi sa isang magandang relasyon noong Valentines Day. Ngayong May 27 ay magseselebreyt ang dalawa ng kanilang anibersaryo.

Kamakailan ay nagselebreyt ito ng kanyang 28th birthday at binigyan ng surprise party ng kanyang TODA Max family at siyempre naroon si Phil.