Apo Reef sisisirin ng bikers

MANILA, Philippines - Samahan ang award-winning host na si Jay Taruc sa ikatlong yugto ng Mindoro Expedition ng Motorcycle Diaries ngayong Biyernes sa GMA News TV.

Sa Occidental Mindoro, makakasama ni Jay si Mike Ross, ang batikang Swiss diver at true blue adventurer na siyang magiging tour guide ng Motorcycle Diaries simula sa pagsisid sa world-class dive site na Apo Reef. Idagdag pa ang pagbisita ng grupo sa isang tagong bukal na mala-Blue Lagoon ang dating. Nakakita rin sila Jay ng isang matikas na agila na malayang nagpapahinga sa isang puno.

Pinasyalan din ng Motorcycle Diaries ang kagubatan ng Occidental Mindoro na matatagpuan ang mga tamaraw na napapabilang na sa endangered species. Kikilalanin ni Jay ang mga kababayan nating Mindorenio na ibinuhos ang panahon at lakas sa pag-aalaga, pagpepreserba, at pagpaparami ng mga tamaraw.

 Angkas na sa nature tripping ng mga biker sa ikatlong yugto ng ating Mindoro Expedition ngayong Biyernes sa Motorcycle Diaries sa GMA News TV Channel 11.