^

Punto Mo

Mga nilamon ng lupa!

DIKLAP - Annabelle O. Buenviaje - Pang-masa

MARAMING tao sa iba’t ibang panig ng mundo ang bigla na lamang naglaho na para bang nilamon sila ng lupa. May mga iniwan silang gamit, bahay, pamilya at trabaho, ngunit walang nakaaalam kung saan sila nagpunta o kung ano ang tunay na nangyari sa kanila. Ang ilan sa mga kasong ito ay nangyari ilang dekada na ang nakalilipas, ngunit hanggang ngayon ay wala pa ring tiyak na kasagutan.

Narito ang 7 Misteryosong pagkawala na hindi pa rin lubusang naipaliliwanag:

1. Amelia Earhart – Ang babaeng piloto na nilamon ng karagatan.

Noong Hulyo 2, 1937, naglaho ang eroplanong sinasakyan ni Amelia Earhart at ng kanyang navigator na si Fred Noonan habang lumilipad sa ibabaw ng Pacific Ocean. Nagsagawa ng malawakang paghahanap ngunit hindi natagpuan ang kanilang bangkay o ang eroplano. Hanggang ngayon, hindi pa tiyak ang kanilang sinapit.

2. Ang limang batang Sodder – Nawala sa gitna ng sunog.

Noong Bisperas ng Pasko ng 1945, nasunog ang bahay ng pamilya Sodder sa West Virginia, USA. Lima sa kanilang mga anak ang hindi natagpuan matapos maabo ang bahay. Walang natagpuang labi na tiyak na nagpapatunay na namatay sila sa sunog. Naghinala ang pamilya na maaaring may dumukot sa mga bata.

3. D.B. Cooper – Ang hijacker na naglaho matapos tumalon sa eroplano.

Noong 1971, isang lalaking gumamit ng pangalang Dan Cooper ang nang-hijack ng eroplano sa Amerika. Matapos makatanggap ng $200,000 na ransom money, tumalon siya gamit ang parasyut habang lumilipad ang eroplano. Hindi na siya natagpuan at nananatiling palaisipan kung nakaligtas siya. (Itutuloy)

SOIL

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with