Kinabukasan, maaga akong gumising. Naligo at kumain ng agahan. Nagbihis nang maayos—long sleeves at black pants. Kailangang desente ang dating dahil iinterbyuhin ako ng manager ng kompanya na nasa Makati Avenue.
“Sana matanggap ka na Kuya, sabi ng kapatid kong si Tessa.”
“Ipagdasal mong matanggap ako.”
“Oo Kuya.”
“Kapag natanggap ako, makakabayad ka na sa tuition at makakabili ka pa ng damit.”
“Sana nga Kuya.”
Bago umalis, isinilid ko sa bulsa ang pitaka na aking napulot. Para bang may nag-uutos sa akin na dalhin ang pitaka.
Pagdating ko sa kompanya, marami nang nakaupo para interbyuhin ng manager. Halos mapuno na ang waiting room sa dami ng aplikante. Nakakuha ako ng upuan. Habang nakaupo, sinasalat ko ang pitaka sa aking bulsa. Ingat na ingat ako at baka mawala ang pitaka na may P10,000!
(Itutuloy)