“ALAM mo na ang ipagtatapat ko, Mira?’’ sabi kong may pagtataka.
“Oo. Ipagtatapat mo na may gusto sa akin at gusto mo akong ligawan. Di ba yun ang ipagtatapat mo?”
“Paano mo nalaman, Mira?”
“Sa kilos mo pa lang, alam ko na.”
“E puwede ba akong manligaw?”
“Iisipin ko pa.”
“Bakit naman? Oo o hindi lang naman ang sagot.”
“Basta iisipin ko pa Junior.”
“Pero sabay pa rin tayong papasok at uuwi?”
“Oo naman.”
“Sana sagutin mo na ang tanong ko kung puwede akong manligaw sa iyo. Para naman mapanatag ang isipan ko.”
“Naks ha. Hindi ba napapanatag ang isipan mo?”
“Oo, Mira. Gusto ko kasi malaman agad kung payag ka o hindi na manligaw ako sa’yo.”
“E ano ba sa palagay mo ang sagot ko sa’yo?”
“Pakiramdam ko ‘oo’ ang sagot mo.”
“O e di ‘oo’.”
“Ibig mong sabihin magsiyota na tayo?”
(Itutuloy)