‘Krusipiho’ (PART 7)

ISANG pangyayari ang naganap habang ako ay nasa classroom at busy ang aming propesor sa pagtuturo. Pawang nakatingin ang atensiyon ng mga kapwa ko estudyante sa propesor na nagpapaliwanag. Ako lamang yata ang hindi masyadong nakapokus sa pagli-lecture na ginagawa ng propesor dahil inaagaw ang aking pansin ng lumang ceiling fan na maingay ang pag-ikot. Bawat ikot ng fan ay naghahatid sa akin ng kaba.

Napahawak ako sa krusipiho na nasa aking dibdib.

Maya-maya pa, lalong naging maingay ang ceiling fan. Kakaiba ang tunog.

Hanggang sa makita ka na humiwalay ang blade ng ceiling fan.

“Ang ceiling fan babagsak!” bigla kong sigaw.

Dahil sa sigaw, biglang nagsiyukuan ang mga kaklase ko. Pati ang propesor namin ay naihawak ang dalawang kamay sa ulo bilang proteksiyon.

Bumagsak ang blade ng fan isang dipa ang layo sa aming propesor.

Marami ang hindi nakakilos! Lahat ay nabigla sa pangyayari.

Lumipas pa ang ilang minuto bago pa nakakikos at nakapagsalita ang lahat.

Ako ay napahawak sa krusipiho at lihim na nagpasalamat.

(Itutuloy)