Ano dapat ang kainin mo...?

Kung may job interview

Taho, chicken at salmon  ang kakainin ayon sa pag-aaral na ginawa sa McGill University sa Montreal. Ang nabanggit na mga pagkain ay mayaman sa tryptophan na nagdudulot ng tiwala sa sarili na kailangan upang maayos na maitawid ang interbyu na pagdadaanan.

Kung may exam

Whole grain breakfast cereal ang mabuting kainin  dahil mayaman ito sa folate na nagpapabilis ng pag-iisip at memory recall. Isang oras bago mag-exam, ngumuya ng chewing gum dahil nagpapaunlad daw ito ng memory ng 35 percent ayon sa pag-aaral na isinagawa.

Kung may “date” sa kauna-unahang pagkakataon

Uminom muna ng chamomile tea bago umalis ng bahay dahil nagpapakalma ito ng kalooban. Kung minsan, nagagawa mo ang mga “silly things” kapag ninenerbiyos. O kaya nagmumukhang plastic ang iyong kilos kapag natetensiyon ka.

Trying for a baby

May tendency na magkaroon ng anxiety kapag limang taon na ay wala pa rin anak tapos sa araw-araw na ginawa ng Diyos ay iisa lang ang ibinabati ng mga tao sa inyong mag-asawa: “Wala pa?”. Meaning, wala pa kayong “naaasembol” na anak?

Heto ang dapat kainin: Oyster daw ang kainin. Mayaman ang oyster sa zinc na nagpapataas ng level ng fertility. Bukod dito, nagpapataas din ito ng libido upang magkaroon lagi kayo ng “desire” na magkasarilinan.

Kapag mainit ang ulo

Kumain ng walnuts or cashew nuts dahil mayaman ang mga ito sa zinc at omega-3 na  nakakatulong para mabawasan ang aggressive behaviour.

Kung kakahiwalay lang sa isang karelasyon

Kumain ng salmon at tuna upang hindi lumala ang depresyon sa tulong ng mga sustansiyang omega-3 at  vitamin B12.

Kung gagawa ng isang malaki at importanteng desisyon

Yogurt ang kainin na mayaman sa iodine at zinc upang lalong luminaw ang pag-iisip at magkaroon ng focus  sa gagawing desisyon. Nagpapakalma rin ng isip ang yogurt upang maiwasan ang pagkataranta na nagiging ugat ng palpak na desisyon.