‘Kuwago’ (Part 7)

“KUMUSTA ka, Karla?’’ bati ko. Nasa salas kami ng makipot na bahay. Mainit kahit may electric fan sa aking harapan.

“Okey naman Marian—buhay pa.’’

“Anong pinagkakakitaan mo?’’

“Nagtitinda ng kung-anu-ano.’’

“Hindi ka na naghanap nang maayos na trabaho—yung katulad ng trabaho natin noon?’’

“Hindi na—ano e…’’

“Ano?’’

“Ayaw ni Danny.’’

“Bakit?’’

“Baka raw may manligaw sa akin—selosong masyado. Baka raw makita ko ang dating nanligaw sa akin sa kompanya natin.’’

“Grabe naman ang asawa mo. E siya anong trabaho niya.’’

Hindi agad nakasagot si Karla.

“Padamput-dampot!’’ sabi nito at saka huminga nang malalim.

“Nasan nga pala ang inaanak ko?’’

“Natutulog.’’

Saka inungkat ko ang tungkol sa kuwago na nasa hawla.

“Kaninong alaga ang kuwago, Karla?’’

“Kay Danny.”

“Bakit kuwago?’’

“Ewan ko kay Danny.’’

“Malas yan!”

Hintakot na napatitig sa akin si Karla.

(Itutuloy)