Smartphone app na kayang matukoy kung gaano kahaba ang buhay ng isang tao, available na for download!

Isang kakaibang app na tinatawag na “Death Clock” ang gumagawa ng ingay dahil sa kakayahan nitong hulaan ang haba ng buhay ng isang tao gamit ang artificial intelligence.

Sa pamamagitan ng pagsusuri sa diyeta, ehersisyo, stress, at gawi sa pagtulog, ibinibigay nito ang personalized na prediksyon ng lifespan ng user nito. Ang prediksyon ay batay sa datos mula sa mahigit 1,200 na pag-aaral at 53 million beta users.

Bagama’t kontrobersiyal ang konsepto, pinupuri ito ng mga financial planner dahil sa potensiyal nitong tumulong sa pagpaplano ng retirement, lalo na para maiwasang maubusan ng ipon sa pagtanda.

Simula nang ilunsad noong Hulyo, mahigit 125,000 beses nang na-download ang app, patunay na maraming naaakit sa ideya ng paghula ng kamatayan.

Bagama’t nakakatakot para sa iba, ang Death Clock ay nagiging paalala ng kahalagahan ng healthy lifestyle at maayos na pagpaplano sa hinaharap, na maaaring hindi lamang magpahaba ng buhay kundi magbigay din ng ­kapanatagan ng loob.