ISANG asong robot sa South Korea ang naging kauna-unahang robot na nakakumpleto ng isang buong marathon (42.195 kms) gamit lamang ang isang single charge.
Ang Laibo 2 ay isang quadruped na robot na ginawa ng mga estudyante ng Korea Advanced Institute of Science and Technology (KAIST). Dinisenyo ito upang tumagal sa mga lugar na may extreme conditions tulad ng mga matarik na bundok.
Matapos mabigo sa isang nakaraang marathon dahil sa mabilis na pagkaubos ng baterya, pinalakas ng robotics scientist ng KAIST ang Laibo 2 gamit ang mas malaking baterya at isang AI-powered system na nag-iimbak ng kinetic energy habang tumatakbo.
Sa tagumpay nito sa Sangju Dried Persimmon Marathon, ipinakita ng Laibo 2 ang potensiyal ng robotics technology para sa mas matagal na operasyon sa mga disaster zones.