MAIHAHAMBING ko ang mga nagaganap sa Pilipinas sa maalamat na Trojan War na pinanalunan ng Greeks noong unang panahon. Kuwentong maalamat lamang ito na may gintong aral.
Gumamit ang Greeks ng higanteng kabayo na gawa sa kahoy bilang regalo sa kanilang kalaban na ang nasa loob ay mga sundalo. Ang mga sundalo ay sagisag lamang ng isang babala. Si VP Sara ba ang higanteng kabayo?
Ang papel ni Helen sa kuwento ay hawig sa ginagampanan ni Imee Marcos na maluwag na nakapagmamasid sa loob ng kaharian ng mga Trojan. Babaing namuno para gibain ang planong pagmamalabis ng pamunuan. Nagtagumpay naman di ba?
Sa kabuuan, babala ito sa mga nakapaligid ngayon kay PBBM na hayok sa kapangyarihan. Apat na taon na lamang at malamang na sa 2028, lalabas ang tunay na bagong pamunuan. Sana naman ‘yung matino talaga.