Ginger (188)

KINABUKASAN, naisipan ni Ginger na silipin muli ang balon. Abala si Anton sa paglilista ng mga gagamitin sa pagbabakod.

Nagulat si Ginger nang tunghayan ang balon. Hindi niya inaasahan ang makikita.

Tinawag niya si Antoon.

‘‘Halika Anton, dali!’’

Napadungaw si Anton sa bintana.

‘‘Halika, tingnan mo ang ilalim ng balon!’’

Nagmamadaling bumaba si Anton.

Gulat na gulat siya sa nakita.

Punumpuno ng gemstone ang balon. Puwedeng damputin ang mga ito.

‘‘Ang dami!’’ sabi ni Anton.

‘‘Saan kaya napunta ang mga bato, Anton?’’

‘‘Baka napunta sa ilalim?’’

‘‘Pero pawang gemstone ang nakikita ko.’’

‘‘Parang nanganak nang nanganak.’’

‘‘Walang pagkaubos.’’

‘‘Ibig sabihin marami pa tayong pag-aaralin at pakakainin. Sigiuto ito ang gusto ni Tatang Nado.’’

‘‘E di maghanap pa tayo ng mga bayang tutulungan.’’

‘‘Oo nga.’’

‘‘Lahat tulungan natin.’’ (Itutuloy)