Paniki, ginambala ang screening ng pelikulang ‘The Batman’ sa isang sinehan sa Texas, U.S.A.!

NAGAMBALA ang moviegoers sa panonood nila ng peli­kulang “The Batman” nang may umeksenang totoong paniki sa sinehan!

Nang mapansin ng isang manonood na may lumilipad na paniki sa loob ng sinehan, mabilis siyang humingi ng tulong sa mga staff ng Moviehouse & Eatery sa takot na baka may kagatin ito.

Itinigil panandalian ang pelikula at tumawag ng animal control ngunit bigong nahuli ang paniki.

Dahil dito, nag-offer ang management ng refund sa kanilang mga customers ngunit karamihan sa mga ito ay mas piniling manatili at tapusin ang pelikula.

Ayon sa general manager ng Moviehouse & Eatery, walang nasaktan na mo­viegoer sa nangya­ring insidente.

Sa imbestigasyon na isinagawa ng ma­nagement, napag-ala­­man na isa sa mga moviegoers ang sad­yang nagdala ng pa­niki para pakawalan sa sinehan bilang prank.

Pinangako nila na sa mga susunod na screening ng “The Batman” ay iinspeksyunin na nilang ma­buti ang mga bag ng bawat pa­pasok sa sinehan.