Etiquette rules (Part 3)

• Hawakan ang wallet or handbag sa kaliwang kamay para mabilis mong maikikilos ang iyong kanang kamay kapag kailangang makipagkamay.

• Ang power seat sa limousine ay sa likuran, bandang kanan. Iyon ang ilalaan para sa iyong boss “or whomever is the person of prominence or honor.”

• Kung ituturo mo ang isang tao,  gamitin ang buong kamay na nakabuka, huwag ang hintuturo.

• Huwag magsuklay habang nasa harapan ng dining table sa restaurant. Gawin ang pagpapaganda  sa rest room.

• Kung magpapakain ng mga kaibigan sa inyong bahay at ikaw ay nagda-diet: Ang diet plans ay sa iyo lamang. Huwag mo silang idamay. Maghain ng pagkain na alam mong lahat ng iyong bisita ay masisiyahan.

• Kung inimbita kayong mag-anak sa bahay ng kaibigan at alam mong walang maid, tumulong ka sa pagliligpit lalo na kung nagkalat ang iyong mga anak.

• Huwag makipag-break sa karelasyon sa text.

• Kung inimbitahan ka sa isang party, hindi dapat magsama ng mga taong hindi kasama sa imbitasyon.

• Sa party pa rin: Kung hindi ka kumakain ng pagkaing iniaalok sa iyo ng host, huwag tumanggi, kumuha na kaunti at tikman ito.

• Kung ikaw ay nagda-diet at marami kang arte sa pagkain: Mas mabuting tanggihan ang imbitasyon sa dinner party. Mainam na ito kaysa pupunta ka sa party pero makikita naman ng host na hindi ka kumakain. (Itutuloy)