Sulyap sa Mindanao

Gusto kong makita ang buong Mindanao

Kaya ang diwa ko’y bahagyang gumalaw;

Ang nakita ko ay lupang mayaman

Na kulang sa dilig at patak ng ulan!

Sumunod na biyahe nitong aking diwa

Ay nakita ko ngayon bata at matanda;

Na nagtatakbuhan at mukhang kawawa

Dahil sa mga kabataan ng ating bansa!

At nakita ko rin sa sapa at ilog

Ang sariwang dugong doo’y umaagos

Dugo ng sibilyan na naghihimutok

At mga bandidong pawang taga-bundok!

Sa nakitang ito ako’y naghimutok

Dahil ang gobyerno’y hindi kumikilos;

Kung ang laban doon kailanga’y putok --

Mga mambabatas ay dapat kumilos!