Lumang tren

Salamat at ngayo’y waring natauhan

ang mga opisyal ng pamahalaan;

Mga luma’t colorum ngayo’y ibinabawal

gayung matagal nang ito’y naglalakbay!

Kung nasabing batas ay paiiralin

colorum bus at jeep tamang patigilin;

Nagsasamantalang iyo’y patakbuhin

mayayaman na sila -- sa bayan ay taksil!

Akalain mo bang sa habang panahon

bago naisipang pagbawalan ngayon;

Sasakyang colorum nag-akyat ng bilyon

sa mga buwitreng bus-jeep operators!

Sila’y nagbibigay nang maraming pera

sa mga opisyal na walang konsensya;

Kaya ang PNR na dapat maganda

Wala ng bagong tren lahat luma na!