Sir Juan (39)

IPINAKITA ni Nectar kay Gringo ang picture ni Mahinhin na kuha niya sa cell phone noong pumasok ito sa KOLEHIYALA.

“Ito ba siya?”

“Oo.’’

“Maganda ah!”

“Maganda nga, dancer naman sa KTV.’’

“Hmmm, mukha namang hindi dancer ah.’’

“Anong hindi? Pag nakita mo yang nagsasayaw sa stage ay baka maglaway ka.’’

“Talaga ha?’’

“Kung titingnan ay wa­lang muwang pero kapag nakita mong gumigiling na siya ay baka mamangha ka.’’

“Nakita mo na bang nagsasayaw ito, Nec?’’

“Hindi pa!’’

“Paano mo nalaman na dancer?”

“Nakita ko ngang pumasok sa KOLEHIYALA --- ano bang ginagawa roon? Di ba nagsasayaw at nagbibilad ng petchay.’’

Nagtawa si Gringo.

“Ba’t ka nagtawa?’’

“Wala lang. Basta natawa lang ako.’’

“Parang hindi ka naniniwala na dancer siya.’’

“Okey sige naniniwala na ako.’’

“Kailan mo kukunan ng picture?’’

“Anong oras ba siya nasa KOLEHIYALA?’’

“Gabi-gabi. Alas sais ang simula niya.’’

“Okey sige. I-email mo sa akin ang picture niya para mapag-aralan ko bago kunan.’’

“Yung nagsasayaw siya na walang saplot ha, Gri-ngo.’’

“’Yung kita ang pugad ng The Raven?’’

“Anong pugad ng The Raven?’’

“’Yung maitim na pugad ng uwak, he-he-he!”

“Puro ka biro. Sige ha, nagkakaintindihan na tayo.’’

Napangisi si Gringo.

“Teka, Nec. Ano naman ang kapalit kapag nagawa ko na ang iniuutos mo?’’

Natigilan si Nectar. Segurista si Gringo.

“Basta, magugulat ka Gringo.’’

“Ano nga ‘yun?’’

“’Makikita mo ‘yung nasa ilalim ng pugad ng The Raven.” (Itutuloy)