Batid ng lahat problema ng bayan
Ito’y economics o pangkabuhayan
Kaya ang problema ay dapat aksiyunan
ng lahat ng sector nitong pamayanan
Kung ang kabuhayan natin ay malusog
walang mga taong mag-aasal hayop;
bata at matanda ay palaging busog
at lalong uunlad bansang maalindog!
Kung ang ekonomiya natin ay matatag
mga mamamayan ay di na maghihirap;
itong ating bansa’y laging maunlad
at ang mga tao’y maligayang ganap!
Kung ang bawat isa ay nasisiyahan
sa takbo ng buhay natin araw-araw;
tiyak na ang diwa natin ay gagalaw
kasama ang bansa sa kaluwalhatian!