May dalwang taon pang dito’y maghahari
si Pangulong P-Noy iba ang ugali;
di niya minana ang mabuting budhi
ng ama at inang tapat na nagsilbi!
Senador Aquino nang nabubuhay pa
ang tanging hinangad baya’y dumakila;
mga kilos niya at mga salita
nakita ng lahat tapat na adhika!
Si Pangulong Cory sa kanyang tungkulin
ay naging matapat sa mga gawain;
sa buong panahon na kapiling natin
natapos ang term na tapat sa atin!
Sayang itong anak ay hindi natulad
sa ama at inang sa bansa ay tapat;
kung may namamali sa kanyang palakad
dapat noon pa lang sinipa na agad