Mga taga-media at mga sibilyan
doon sa Maguindanao ay pinaslang;
dinakip ang mga suspect sa patayan
nililitis sila ngayon sa hukuman!
Naganap ang krimen matagal na ngayon
sa ating calendar nasa limang taon;
pero ang hustisya’y hindi sumusulong
nangyaring pagpatay wala pang solusyon!
Ang mga kasangkot oo nga’t nadakip
at nasa kustodya nitong mga pulis;
dahil matagal nang sila’y nililitis
parang laya pa rin sa maraming panig!
Pagpatay naganap panahon ni Gloria
malalaking tao sangkot na pamilya;
may nakakulong na may mga parusa
subalit ang ilan malayang-malaya!