…ng mga celebrities na hindi dapat tularan:
Laura Bush
Ang dating first lady at misis ni US President George W. Bush ay kaskaserang drayber noong 17 taong gulang pa lang. Sa sobrang bilis magpatakbo, binangga niya ang stop sign, pagkatapos ay sumasagitsit na binangga ang sasakyan ng kanyang kaibigan na nauuna sa kanya. Ang kaibigang binangga niya na si Michael Dutton Douglas na nagmamaneho ng Chevrolet Corvair ay agad na namatay dulot ng nabaling leeg. Hindi na nga nakilibing, hindi pa humingi ng sorry sa mga magulang ng kaibigan. Inilihim ito ni Laura sa kanyang mga anak. Nadiskubre lang ang sekreto niya noong unang beses na kumandidatong presidente si George W. Bush. Siyempre kapag lumusong ka sa karagatan ng pulitika, lahat ay kakalkalin kasama na ang baho ng pamilya ng kandidato.
Dr. Seuss
Siya ang sikat na author ng mga pambatang libro kagaya ng The Cat in the Hat. Ang misis niya na si Helen ay manunulat din pero nagkaroon ng cancer kaya tumigil na sa pagsusulat. Palibhasa ay may sakit, hinanap ni Dr. Seuss ang kaligayahan sa kandungan ng mas batang babae. Natuklasan ito ni Helen at sa sobrang sama ng loob ay nagpakamatay ito. Ilang buwan matapos ilibing ang asawa, na marahil ay hindi pa naaagnas nang todo ang bangkay, agad pinakasalan ni Seuss ang kabit. (Itutuloy)