Malakas na lindol ang biglang tumama
Sa dalwang probinsiya nitong ating bansa
Ang Bohol at Cebu na nasa Visaya –
Mga tao roo’y lubhang napinsala!
Lindol na naganap sa ating lupain
Ang sa ating bansa’y nagdulot hilahil;
Ating maiisip ito’y pangitaing
Dapat na magbago ang mga salarin!
Mga masasama tunay na nilindol
At ang mga taong may ugaling maton;
Sa lahat ng dako ay nagkalat ngayon
Ang mga saliwa sa bagong panahon!
Mga nagdarasal ay iba ang hangad
Sa maling paraan ay yumaman agad;
Mga sumagana sa bahagyang hirap
Ay mga kriminal at totoong hudas!