Sa ngayon ang dating palasyo ni Cory
Naglaho ang kinang at nagbagong uri;
Itong anak niyang dapat ay mapuri
Tinangay ng agos palayo sa api!
Kaya maiisip nitong sambayanan
Sumablay si P-Noy sa tuwid na daan;
Marahil hinangad na muling mahalal
Kaya kinalinga ay ang mayayaman!
Salapi ng bayan ay ubos na ubos
Sa nasa Kongreso ito ibinuhos;
Mga kapartido’t di kilalang lubos
Ginawang sagana ang baya’y busabos!
Mga mangingisda’t mga magsasaka
Dahil sa ambisyon nalimutan yata;
Kaya naman ngayong binabatikos na
Di na raw candidate sa posisyon niya!