Lalong dumarami lalong kumakapal
Basura at duming nasa ating bayan;
Ang tuwid na landas na dapat lakaran
Napuno ng putik at yamang nalusaw!
Bakit nga ganito ang nangyari ngayon
Naging balewala pangarap ni Ninoy?
Mga ayudanteng pinili ni P-Noy
Ang siyang nagdulot ng dumi’t korapsyon?
Maganda na sana mga unang hakbang
Ng ating pangulo at gusto ng bayan;
Pero nang tumagal ang tuwid na daan
Hindi nakonkreto lahat nang lagusan!
Maraming lagusan ang hindi napansin
At doon lumusot ang maraming baliw;
Kaya ang panulat nag-ibang landasin
Tilamsik ng diwa’y nagbagong damdamin!