Maraming trahedya

Sa loob at labas nitong ating bansa

Ang mga trahedya’y hindi nawawala;

Daming namamatay at tumitihaya

Na likha ng tao’y masamang nilikha!

Saka may trahedyang dulot ng panahon

Panahong maganda’y bihira na ngayon;

Walang anu-ano’y may baha at lindol

Tahanan at tao’y biglang nalilipol!

Matinding trahedyang ngayo’y nagaganap

Sa ating gobyerno ay lubhang talamak

Ang graft at corruption na nagpapahirap

Sa mayama’t dukhang dito’y inianak!

Bakit nga ganito ang takbo ng buhay

Na nagpapahirap sa bayang lupaypay?

Kailan matatapos ang trahedyang bigay

Ng ating sariling mga kababayan?