lindol, nalalaman ng palaka kung kailan darating?

GUSTO n’yong malaman kung kailan magaganap ang lindol? Obserbahan ang mga palaka. Kapag daw nakita ang mga palaka na masyadong busy sa kanilang pakikipagtalik asahan na may magaganap na lindol sa lugar. Umano’y nangyayari sa panahon ng kanilang mating season ang pagdating ng lindol.

Ito ay batay sa pag-aaral ng biologist na si Rachel Grant ng Italy. Ayon kay Grant, pinag-aralan niya ang mating behavior ng mga palaka at natuklasan niya na bago dumating ang isang lindol sa lugar, panahon ng kanilang pakikipagtalik. Ayon kay Grant, makaraan ang pagtatalik biglang nawala ang mga palaka at makaraan ang ilang sandali, lumindol.

Ayon pa kay Grant, posible na malaman ng mga palaka  ang pagtama ng lindol sapagkat nasi-sense ng mga ito ang gases at iba pang particles sa environment bago mangyari ang lindol. Maaari rin daw malaman ng mga palaka ang mga pagbabago sa magnetic field, paggalaw sa ilalim ng lupa at shock waves.